Testudines

As tartugas (testudines) son reptils carauterizaus por o feito de tener un tronco amplo y curto, protechiu por una coscarana feita porun regular por placas osias rebestidas de placas cornias, y a begadas nomás que por placas cornias.

D'a coscarana surten, por debant, a cabeza y as patas anteriors, y por dezaga, as patas posteriors y a coda. I hai tartugas que tienen a coscarana dibidida en dos partes, la uno dorsalu superior y la otro bentral u inferior, unidas entre ellas.
Esqueleto de tartuga mediterrania (Testudo hermanni). Se pare cuenta en que as costiellas y parte d'o esquinazo son soldaus en a cosacarana.

La caracteristica más important de l'esqueleto d'as tartugas ye que a columna bertebral ye soldada en a parte dorsal d'a coscarana. O esqueleto fa que a respirazión no se pueda fer por mobimiento d'a caixa torazica, y se leba a termin prenzipalment por l'azión d'as estremidaz.

O cranio presenta caracteristicas muit primitibas. No en tiene, de dients, pero sí una bariella esmolada, semellant a un pico.

A reproduzión ye obipara y a incubazión la fa a radiazión solar.

Ye proberbial a gran lonchebidat d'as tartugas. Bellas espezies puede bibir más de 100 años.

En i hai que son de tierra y en i hai d'augua, marinas u d'augua dulza. As terrestres tienen os didos libres, mientres que as acuaticas tienen as estremidaz transformadas en aletas u bien os didos unius por un telo.



source :
http://an.wikipedia.org/wiki/Testudines


visits : play free online games, online flash games, social games